Në kuadër të 13 Tetorit, “Ditës Ndërkombëtare të Zvoglimit të Riskut nga Fatkeqësitë”, përfaqësues të Agjencisë Kombëtare të Pyje, Agjencia Kombëtare e Mbrojtjes Civile, Agjencia Kombëtare e Zonave të Mbrojtura, Kryqin e Kuq Shqiptar dhe institucione të tjera në nivel qendror dhe vendor, gjatë javës 9-13 tetor organizuan takime me temën “Roli i komunitetit në parandalimin dhe përgjigjen emergjente ndaj zjarreve”, për sensibilizimin dhe ndërgjegjësimin e qytetarëve për parandalimin e fatkeqësive natyrore me fokus të veçantë zjarret në pyje.
Pjesë e takimeve kanë qenë përfaqësues nga Bashkia Vau-Dejës, Bashkia Malësi e Madhe, Bashkia Kurbin, Bashkia Mirditë, Bashkia Mallakastër, Bashkia Berat, Bashkia Tiranë dhe Bashkia Fier, njësia administrative Cakran, qytetarë të këtyre njësive si dhe përfaqësues të institucioneve të tjera qendrore dhe vendore.
